GR322

Nafarroa Xtrem
Wikiloc

Bide osoa: Zubiri-Zubiri

  • Desnibel positiboa: 3.791 m
  • Desnibel negatiboa: 3.791 m
  • Egindako distantzia: 66,89 km
  • Seinaleztapena bi noranzkoetan
  • Ezinbestekoa ura ekartzeko: iturririk gabe Zubiritik Lantzera

Altimetria

GR-322 altimetría

Deskribapena

Zubiritik Adi aldera abiatuko gara. Etxarro errekaldea zeharkatu eta Gurutxagako larreetara iritsiko gara. Pagadiaren sastrakadira sartuta Arzabal (1.204 m) eta Zotalar (1.248 m) gailurrak igoko ditugu eta kordala jarraituz Leñadiko etxolara iritsiko gara. Momentu horretan, igoera gogorra eta zuzena egingo dugu GR 322 aren punturik altuenera, Adi mendira (1457 m). Goitik, Pirinioetako eta Alduides haraneko bistak ikusgarriak dira.

Mendebalderantz abiatuta, Urkiaga lepotik igaroko gara, Enekorri mendia inguratuz eta iparralderantz jarraituko dugu, basoa utziz eta larretara iritsiz, Kantauri eta Mediterraneoko isurialdeko ikuspegi ederrekin gozatuz.
Laster Artesiaga lepoa zeharkatuko dugu eta handik Saioa (1418m) eta Zuriain (1410 m) mendiak igoko ditugu. Nafar mendizaleen artean mendi enblematikoak dira hauek.

Ondoren, mendebalderantz, jaitsiera luze bati ekingo diogu pagadi ikusgarri batetik igarotzen den bidexka batetik eta antzinako meatze ustiapenen aztarnak ikusteko aukera izango dugu.

Jaitsiera ondoren, Lantz inguratuko dugu eta Aritzu herrirantz jarraituko dugu, iratze, ezpel basoak, bordak, ezkiak, ganadu belardiak eta gaztainondo erraldoiak igaroz. 

Anué bailaran gaude eta Artzeki mendira igoera luze bat egin ondoren (1082 m) pagadia eta larreak bere zatirik altuenean zeharkatuz, baso gorabeheratsu batean sartuko gara Goitiko  

Gainaraino (1232m). Hortxe, jeitsiera zuzena hasiko dugu iragiraino, haitz eta aritz bakartien artean. 

Herritik igaro ondoren, azken igoera, Baratxueta mendira (1147m), hasiko dugu. Pirinioetako bistak ikusgarriak diren lekua da. Eta hortik aurrera, ibilbideak beherantz jarraitzen du larre, ezpel eta pinudi eremu batean zehar, zertxobait paisaia mediterraneoagoa duena, Usetxitik igaro eta Zubirira iritsiz. 

Mapa Wikiloc

Powered by Wikiloc

1. Etapa

Zubiri-Urkiaga

2. Etapa

Urkiaga-Lantz

3. Etapa

Lantz-Zubiri